Mateh anak mit pembalat pedis!

Kadang meh bakatu runding aku mun udah 'stress' enggau ulah bala anak ka agi mit. Mun pengawa nyadi indai tu baka ka kereja, sigi udah lama aku badu enggau pencen. Nyamai agi bingung ngadu pengawa kereja bak opis ari bingung enggau pengawa nyadi indai bak rumah tu mega. Nyadi indai, nda ngira jam baka urang ka pergi kereja bak opis. Setat kul 7-8 pagi, abih kereja kul 5 tauka 6 lemai. Kami ka nyadi indai bak rumah tu (bukai ngetu utai bak rumah aja kadang), ni ka nyadi sida 'housekeeping', 'cleaner', 'babysitter', cigu, indu misi, lutur meh kadang, tukang masak, tukang kebun, tukang driba, kerani akaun, 'administrator'...aduih, nadai umbas mua bup bak ruai tu mun aku ka nelah magang utai ka di adu aku ngelama udah belaki enggau nyadi indai ngagai dua iku anak kera tu.

Meh baka ka sebana ka sida periuk kuali aku tu ko bulak ia *nama nda ia.

Bepulai baru ngagai utai di kedeka di kerandau aku tadi, bejaku pembalat pedis untak mateh bala anak ka umor baka sida jedun mit. Au, kati ko ribai nelah tu? 'the NO stages'. Nyadi jedun mit diatu tengah NO stages meh nya. Apa aja utai di asuh aku tauka jaku lara, nadai meh ia ninga. Manah tudah cara aku bejaku enggau ia. Ngena normal tone agi nya. Nda meh di duli ia. Mun nda aku nyadi 'incredible hulk' tauka nyawa udah di dinga bak kaki langit din baru ia segaut angkat. 

Pedis tauka lelak tuboh ngereja utai bak rumah, nda meh pedis baka sakit untak ngelara bala sida anak ka nda nitih jaku kitai. 

Mun nda ngaga bakatu, sida ila jemah alu pateh nyadi kelalah. Nda nemu ngereja utai kediri empu. Semua indai ngadu. Enggai aku mun bakanya. Kami agi mit suba, maya umor jedun mit nya, udah di asuh urang ngemas katil diri empu, ni agi di asuh urang besapu, dek dek agi di asuh ngemata ka bala menyadi ka biak ari kami. Bisi ari nya, udah ngemas bilek tinduk mang e aku pagi nya, alu aku nanya jedun mit, udah di buka ia sida blinds enggau tabir bak bilek tinduk ia? Cakir ai irup ia demalam udah di anjong ia bak sinki dapur din? Kadang nemu ia. Kadang, mun udah datai malas, nadai ia ka ngadu nya. Alu setat meh aku muchau tumu pagi. Alu pateh sida ngulun kitai. 

Kadang di saut ia bakatu,  

"Mummy, how come Lily (petunggal ia. Anak ipar ku) bedroom always look messy? How come her mummy never asked her to tidying up the room? Why me always need to tidying up my room and not her?"

Deh anak! Kadang meh lelak aku nyaut utai di tanya ia kadang. Kadang di saut aku bakatu ia,  

"Lily mummy doesn't the same like mummy. Your mummy likes everything in this house neat and tidy."

Sida dango legi, lain cherita ngak. Jedun mit suka ndar ngabur sida dango ia. Panjai agi rumah alai bemain sida dango nya, besai agi abi temerak nya. Aku nda baka ipar indu aku. Nyamai di kelunai ulih bala anak indu ia ka tiga iku nya. Kapa aku ngemas abi temerak alai sida bedango. Jedun mit nya meh di asuh aku ngemas. Awak ka ia pateh enggau nemu. Nya meh bukai skali dua tiga sida alu terus pateh pia. Utai bakatu, perlu meh beratus kali 'practise' -_-

* anak diatu (nda nemu anak urang bukai pia), patut ngasuh indai ka nda mangah, nemu nyadi MANGAH! Assapaii .. *__*